ध्यान करण्यामुळे मेंदूच्या कार्यक्षमतेवर चांगला परिणाम होतो तसेच यासह शरीराला ध्यान करण्याचे अनेक फायदे होत असल्याचे मागील अभ्यासांमध्ये दिसून आले आहे. अमेरिकन हर्ट असोसिएशनच्या संशोधकांनी हृद्यासंबंधित आजार दूर होण्यास ध्यान करणे कसे फायदेशीर आहे याबाबत अभ्यास केला. ध्यान करण्याची परंपरा मागील अनेक वर्षांपासून सुरू आहे.
ध्यानामुळे ताण, चिंता आणि उदासीनता दूर होण्यास मदत होते. तसेच झोपेमध्ये सुधारणा होऊन शरीरामध्ये अतिशय सकारात्मक बदल होण्यास सुरूवात होत असल्याचे संशोधकांना आढळून आले. ध्यान करण्यामुळे उच्च रक्तदाब कमी होतो. तसेच यामुळे धूम्रपान सोडण्यास आणि हृदयविकाराचा झटका टाळण्यास मदत होत असल्याचे संशोधकांनी सांगितले.
