महसूल व वन विभाग कडून निघालेल्या आदेशात महाराष्ट्र शासनाच्या महसूल विभागांतर्गत तलाठी गट क संवर्गातील एकूण 4 हजार 625 पदांच्या सरळसेवा भरतीसाठी राज्यातील एकूण 36 जिल्ह्यात ऑनलाईन परीक्षा घेतली जाणार आहे. ही परीक्षा 17 ऑगस्ट ते 12 सप्टेंबर दरम्यान होणार आहे. या बाबत जाहिरात सर्व विभागीय आयुक्त व सर्व जिल्हाधिकाऱ्यांच्या अधिकृत संकेतस्थळावर उपलब्ध आहे.
तलाठी भरती प्रक्रिया राज्यस्तरावरुन एकत्रितरित्या राबवली जात असली तरी, सदर तलाठी संवर्गाची यादी तयार करताना त्या त्या जिल्ह्यात पद भरतीचा विचार करून प्रत्येक जिल्ह्याची स्वतंत्र निवड यादी जाहीर करण्यात येणार आहे. त्याचा अन्य जिल्ह्यातील निवड यादीही कोणताही संबंध नसण्याचे कळविण्यात आले आहे.
