मानव आपल्या फायद्यासाठी सतत तरर्‍हेच्या वस्तूंची निर्मिती करत असतो. यामुळे वेळेची बचत होते व त्याला सुरक्षाही मिळते. खाद्य पदार्थांपासून अंगावर परिधान केल्या जाणार्‍या अशा अनेक वस्तूंचा आपण रोजच वापर करतो. ब्रिटनमधील एका कंपनीने कॅमेर्‍याची नजर टाळण्यासाठी आता असाच एक अनोखा व खास प्रकारचा चष्मा तयार केला आहे.
हा चष्मा डोळ्यावर ठेवल्यानंतर संबंधित व्यक्तीचा चेहराच कॅमेर्‍यात दिसणार नाही, असा दावा करण्यात आला आहे. त्यामुळे चेहरा सीसीटीव्ही कॅमेर्‍यात अजिबात टिपला जाणार नाही. उलट चहर्‍याच्या जागी चमकदार प्रकाश दिसेल. या चष्म्यामध्ये कंपनीने एका विशिष्ट प्रकारच्या काचेचा वापर केला आहे.
