Yuvraj Singh Biopic announced : युवराज सिंगच्या चाहत्यांसाठी एक मोठी खुशखबर आहे, युवराज सिंगचा बायोपिक लवकरच मोठ्या पडद्यावर दिसणार आहे. याची घोषणा करण्यात आली आहे. युवराज सिंगच्या बायोपिकची घोषणा मंगळवारी टी-सीरीज फिल्म्सच्या अधिकृत इंस्टाग्राम आणि एक्स हँडलद्वारे करण्यात आली. ट्विटनुसार, चित्रपटाचे तात्पुरते शीर्षक सिक्स सिक्सेज़ आहे आणि हा बायोपिक युवराज सिंगचा वर्ल्ड कप हिरो ते कॅन्सर सर्व्हायव्हरपर्यंतचा प्रवास असेल.
भूषण कुमार आणि रवी भागचंदका या बायोपिकची संयुक्त निर्मिती करणार आहेत. ॲनिमल आणि कबीर सिंग सारख्या चित्रपटांसाठी ओळखले जाणारे टी-सीरीजचे प्रमुख भूषण कुमार युवराजच्या बायोपिकसाठी रवी भागचंदकासोबत काम करत आहेत. रवीने यापूर्वी श्रीकांत भासी सोबत 2017 मध्ये सचिन तेंडुलकर डॉक्युमेंटरी, सचिन: अ बिलियन ड्रीम्सची निर्मिती केली होती.
मात्र, या चित्रपटात युवराजच्या भूमिकेत कोणता अभिनेता दिसणार हे अद्याप ठरलेले नाही. पण काही चाहत्यांनी सिद्धान्त चतुर्वेदीने आपली भूमिका साकारावी असे म्हटले तर कोणी रणवीर सिंगचे नाव घेतले तर कोणी प्रभासला त्याच्या भूमिकेला शोभेल असे म्हटले.
युवराजने 2019 मध्ये आंतरराष्ट्रीय क्रिकेटमधून निवृत्ती जाहीर केली होती.
दृष्यम 2 आणि कबीर सिंग सारख्या ब्लॉकबस्टर चित्रपटांच्या निर्मितीसाठी ओळखले जाणारे भूषण कुमार यांनी युवराजच्या बायोपिकबद्दल उत्साह व्यक्त करताना म्हटले आहे की, "युवराज सिंगचे जीवन लवचिकता, विजय आणि उत्कटतेची एक आकर्षक कथा आहे. एक आश्वासक क्रिकेटर. क्रिकेट हिरो ते नायकापर्यंतचा त्याचा प्रवास खऱ्या आयुष्यात खूप प्रेरणादायी आहे, अशी कथा मोठ्या पडद्यावर सांगितली पाहिजे आणि ऐकली पाहिजे.”
