Sachithra Senanayake Arrested: श्रीलंकेचा माजी क्रिकेटपटू सचित्र सेनानायकेला मॅच फिक्सिंगच्या आरोपाखाली बुधवारी अटक करण्यात आली. सकाळी शरणागती पत्करल्यानंतर क्रीडा भ्रष्टाचार तपास पथकाने त्याला अटक केली. तीन आठवड्यांपूर्वी न्यायालयाने त्याला परदेशात जाण्यास बंदी घातली होती. सेनानायकेवर लंका प्रीमियर लीग 2020 मधील सामने फिक्स केल्याचा आरोप आहे ज्यामध्ये त्याने दोन खेळाडूंना सामना फिक्स करण्यासाठी प्रवृत्त केले होते.
क्रीडा मंत्रालयाच्या तपास पथकासमोर आत्मसमर्पण केल्यानंतर सचित्राला अटक करण्यात आली. सामना फिक्स करण्यासाठी माजी गोलंदाजाने फोनद्वारे दोन खेळाडूंशी संपर्क साधल्याचा आरोप आहे. गेल्या महिन्यात कोलंबोच्या मुख्य दंडाधिकारी न्यायालयात या प्रकरणाची सुनावणी सुरू झाली. त्यानंतर सचित्र सेनानायके यांना देश सोडण्यास बंदी घालण्यात आली होती.
2014 मध्ये श्रीलंकेने टी-20 विश्वचषकाची अंतिम फेरी जिंकली होती . सचित्र सेनानायके त्या संघाचा एक भाग होता. विश्वचषकात सचित्राने 6 सामन्यात चार विकेट घेतल्या होत्या. त्याच्या क्रिकेट कारकिर्दीत संशयास्पद कारवाईमुळे त्याला काही महिन्यांसाठी बंदीचा सामना करावा लागला होता. सेनानायके हा आयपीएलमधील कोलकाता नाईट रायडर्स संघाचे भाग आहे.
