चॅम्पियन्स ट्रॉफीच्या ग्रुप बी सामन्यात दक्षिण आफ्रिकेने इंग्लंडवर सात विकेट्सने मात केली. हेनरिक क्लासेन आणि रॅसी व्हॅन डर ड्यूसेन यांच्या अर्धशतकांमुळे दक्षिण आफ्रिकेने इंग्लंडवर सात विकेट्सने मात केली. चॅम्पियन्स ट्रॉफीच्या इतिहासात विकेट्सच्या बाबतीत दक्षिण आफ्रिकेचा हा तिसरा सर्वात मोठा विजय आहे.
इंग्लंडने नाणेफेक जिंकून प्रथम फलंदाजी करण्याचा निर्णय घेतला पण मार्को जॅन्सेन आणि विआन मुल्डर यांच्या नेतृत्वाखालील उत्कृष्ट गोलंदाजीच्या कामगिरीमुळे दक्षिण आफ्रिकेने इंग्लंडला 38.2 षटकांत 179 धावांवर गुंडाळले. प्रत्युत्तरात, दक्षिण आफ्रिकेने 29.1 षटकांत तीन गडी गमावून 183 धावा करून सामना जिंकला.
2004 मध्ये बांगलादेशविरुद्ध चॅम्पियन्स ट्रॉफीमध्ये दक्षिण आफ्रिकेचा विकेटने सर्वात मोठा विजय होता. त्यावेळी एजबॅस्टन येथे खेळल्या गेलेल्या सामन्यात संघाने बांगलादेशला नऊ विकेट्सने हरवले होते. तर 2000 मध्ये दक्षिण आफ्रिकेने इंग्लंडला आठ विकेट्सने हरवले होते. नोव्हेंबर 2024 नंतर इंग्लंडचा हा सातवा एकदिवसीय पराभव आहे. या सामन्यात दक्षिण आफ्रिकेने फलंदाजी आणि चेंडू दोन्हीकडून शानदार कामगिरी केली.
लक्ष्याचा पाठलाग करताना, डू प्लेसिसने 87 चेंडूत 6 चौकार आणि 3 षटकारांसह नाबाद 72 धावा केल्या तर क्लासेनने 56 चेंडूत 11चौकारांसह 64 धावा केल्या ज्यामुळे दक्षिण आफ्रिका अपराजित राहिला आणि उपांत्य फेरीत पोहोचला.
अशाप्रकारे दक्षिण आफ्रिकेने गटात अव्वल स्थान मिळवून उपांत्य फेरी गाठली. ग्रुप बी मधून उपांत्य फेरीत पोहोचणारा दुसरा संघ ऑस्ट्रेलिया होता. त्याच वेळी, इंग्लंडला गट टप्प्यातील तिन्ही सामन्यांमध्ये पराभवाचा सामना करावा लागला आणि एकही सामना न जिंकता स्पर्धेतून बाहेर पडले.
चॅम्पियन्स ट्रॉफीच्या एकाच हंगामात सलग तीन सामने गमावणारा इंग्लंड हा चौथा संघ आहे. दक्षिण आफ्रिकेने तीन सामन्यांतून दोन विजय आणि एका बरोबरीसह पाच गुणांसह अव्वल स्थान पटकावले. दुसरीकडे, ऑस्ट्रेलियाने तीन सामन्यांत एक विजय आणि दोन बरोबरीसह चार गुणांसह दुसरे स्थान पटकावले.
