आर. अश्विनचे 100 विकेट्स, अशी कामगिरी करणारा अनिल कुंबळेनंतरचा दुसरा गोलंदाज ठरला

टीम इंडियाचा स्टार फिरकीपटू रविचंद्रन अश्विनने भारत आणि ऑस्ट्रेलिया यांच्यात दिल्लीत खेळल्या जात असलेल्या दुसऱ्या कसोटीत इतिहास रचला आहे. त्याने 3 विकेट घेताच ऑस्ट्रेलियाविरुद्ध कसोटीत 100 विकेट्स घेण्याचा पराक्रम केला आहे. अश्विनपूर्वी भारताचा माजी लेगस्पिनर अनिल कुंबळेलाच ही कामगिरी करता आली आहे.

बॉर्डर-गावस्कर ट्रॉफी अंतर्गत खेळल्या जात असलेल्या दिल्ली कसोटीत अश्विनने आधी मार्नस लॅबुशेनला बाद केले आणि नंतर स्टीव्ह स्मिथला शून्यावर धावबाद केले. यानंतर त्याने अॅलेक्स कॅरीची विकेट घेताच ऑस्ट्रेलियाविरुद्धच्या कसोटीत 100 बळी पूर्ण केले.

या सामन्यात रविचंद्रन अश्विनने 5 प्लस विकेट घेतल्यास, भारतात खेळताना 26 वेळा 5 प्लस विकेट घेणारा तो एकमेव गोलंदाज बनेल. सध्या तो 25 वेळा 5 विकेट घेऊन अनिल कुंबळेच्या बरोबरीचा आहे. या डावात त्याने आणखी दोन विकेट घेतल्यास तो कुंबळेला मागे सोडेल.