स्नेह राणा आणि किम गार्थ यांच्या घातक गोलंदाजीच्या जोरावर रॉयल चॅलेंजर्स बंगळुरूने (आरसीबी) ग्रुप स्टेजच्या शेवटच्या सामन्यात मुंबई इंडियन्सचा 11धावांनी पराभव केला. मंगळवारी ब्रेबॉर्न स्टेडियमवर झालेल्या सामन्यात नाणेफेक गमावल्यानंतर प्रथम फलंदाजी करताना गतविजेत्या संघाने स्मृती मानधनाच्या अर्धशतकाच्या जोरावर 20 षटकांत 3 बाद199 धावा केल्या. प्रत्युत्तरात मुंबईला निर्धारित षटकांत नऊ गडी गमावून फक्त 188धावा करता आल्या.
प्रथम फलंदाजी करताना आरसीबीने 20 षटकांत 3 गडी गमावून199 धावा केल्या. प्रत्युत्तरात, मुंबईला 20 षटकांपर्यंत फलंदाजी केल्यानंतर 9 गडी गमावून फक्त188 धावा करता आल्या. यासह, आरसीबीने हंगामाचा शेवट विजयाने केला. या पराभवानंतर मुंबईचे अंतिम फेरीत पोहोचण्याचे स्वप्न भंगले. अंतिम फेरीत पोहोचण्यासाठी मुंबईला आता एलिमिनेटर सामना खेळावा लागेल.
नाणेफेक गमावून प्रथम फलंदाजी करण्याचा निर्णय घेतल्यानंतर, आरसीबीने एस मेघना आणि कर्णधार स्मृती मानधना यांच्या सलामी जोडीने शानदार सुरुवात केली. शब्बिनेनी मेघनाने 13 चेंडूत 26 धावांची शानदार खेळी केली. कर्णधार स्मृती मानधनाने अवघ्या 37 चेंडूत 6 चौकार आणि 3 षटकारांच्या मदतीने 53 धावांची शानदार खेळी केली. या दोघांनंतर फलंदाजीला आलेल्या अॅलिस पेरीने येथेही आपला उत्कृष्ट फॉर्म कायम ठेवला, तिने 38 चेंडूत 5 चौकार आणि 1 षटकारासह नाबाद 49 धावांची शानदार खेळी खेळली. या काळात, अॅलिस पेरीने एक मोठा विक्रमही आपल्या नावावर केला, तिने टी-20 क्रिकेटमध्ये 9 हजार धावा पूर्ण केल्या
