जोस बटलरने विराट कोहलीला मागे टाकले,टी20 मध्ये रोहित शर्माची बरोबरी केली

6 जून रोजी चेस्टर ली स्ट्रीटवर वेस्ट इंडिजविरुद्धच्या तीन सामन्यांच्या टी-20 मालिकेतील पहिला सामना इंग्लंडने 21 धावांनी जिंकला. या सामन्यात इंग्लंडला प्रथम फलंदाजी करण्याची संधी मिळाली आणि जोस बटलरच्या 96 धावांच्या शानदार खेळीच्या जोरावर 20 षटकांत 6 गडी गमावून 188 धावा केल्या. त्यानंतर, लक्ष्याचा पाठलाग करताना विंडीज संघ 20 षटकांत 167 धावांपर्यंत पोहोचू शकला

वेस्ट इंडिजविरुद्धच्या पहिल्या टी-20 सामन्यात नाणेफेक जिंकून इंग्लंडने फलंदाजी केली आणि 16धावांवर त्यांचा पहिला बळी गमावला. त्यानंतर तिसऱ्या क्रमांकावर फलंदाजी करण्यासाठी आलेल्या जोस बटलरने जेमी स्मिथसोबत दुसऱ्या विकेटसाठी 79 धावांची शानदार भागीदारी केली. बटलरने 96 धावांच्या खेळीत एकूण 59 चेंडूंचा सामना केला ज्यामध्ये त्याने 6 चौकार आणि चार षटकार मारले. यासह, जोस बटलरने आता टी-20 आंतरराष्ट्रीय सामन्यात वेस्ट इंडिजविरुद्ध सर्वाधिक धावा करण्याच्या बाबतीत विराट कोहलीला मागे टाकले आहे.

विराट कोहलीने त्याच्या टी-20 आंतरराष्ट्रीय कारकिर्दीत वेस्ट इंडिजविरुद्ध एकूण 570 धावा केल्या आहेत, तर जोस बटलरच्या नावावर एकूण 611 धावा आहेत. या यादीत रोहित शर्मा अव्वल स्थानावर आहे, 

वेस्ट इंडिजविरुद्ध टी-20 आंतरराष्ट्रीय सामन्यांमध्ये सर्वाधिक अर्धशतके खेळण्याच्या बाबतीत जोस बटलरने आता रोहित शर्मा आणि बाबर आझम यांची बरोबरी केली आहे. रोहित आणि बाबर दोघांच्याही नावावर वेस्ट इंडिजविरुद्ध प्रत्येकी 5 अर्धशतके करण्याचा विक्रम आहे, ज्यामध्ये बटलर आता सामील झाला आहे

Edited By - Priya Dixit