IND vs AUS: बॉर्डर-गावस्कर ट्रॉफी 2024-25 मध्ये नवा इतिहास रचला गेला आहे. ऑस्ट्रेलियाने सिडनी कसोटीत भारताचा दोन गडी राखून पराभव करत बॉर्डर-गावस्कर करंडक 3-1 असा जिंकून मोठा विक्रम केला आहे. ऑस्ट्रेलियाने 10 वर्षे बॉर्डर-गावस्कर ट्रॉफी जिंकली. यासह ऑस्ट्रेलियाने सलग दुसऱ्यांदा वर्ल्ड टेस्ट चॅम्पियनशिप (WTC) फायनलमध्ये प्रवेश केला आहे, जिथे आता त्याचा सामना दक्षिण आफ्रिकेशी होणार आहे. डब्ल्यूटीसीचा अंतिम सामना 11 ते 15 जून दरम्यान लॉर्ड्सवर खेळवला जाईल.
ऑस्ट्रेलियाने मालिका जिंकताच टीम इंडियाची बीजीटीमधील विजयी मालिका संपुष्टात आली. भारताने ही ट्रॉफी सलग चार वेळा जिंकली होती पण यावेळी ऑस्ट्रेलियाने विजय मिळवून मोठी कामगिरी केली. ऑस्ट्रेलियाने 2024-15 मध्ये बॉर्डर-गावस्कर ट्रॉफी जिंकली होती. यानंतर टीम इंडियाने सलग 4 वेळा हे विजेतेपद पटकावले पण यावेळी त्याचे ट्रॉफी राखण्याचे स्वप्न भंगले. बॉर्डर-गावस्कर ट्रॉफीच्या इतिहासात ऑस्ट्रेलियाने सहाव्यांदा मालिका जिंकली.
भारताने पहिल्या डावात 185 धावा केल्या होत्या. प्रत्युत्तरात ऑस्ट्रेलियाचा दुसरा डाव 181 धावांवर आटोपला. भारताने दुसऱ्या डावात 157 धावा केल्या आणि ऑस्ट्रेलियासमोर 162 धावांचे लक्ष्य ठेवले होते. ऑस्ट्रेलियाने चार विकेट्स गमावून हे लक्ष्य गाठले.या पराभवासह भारताने बॉर्डर गावस्कर ट्रॉफी मालिकाही गमावली आहे. ऑस्ट्रेलियाने ही मालिका ३-१ ने जिंकली. यासोबतच टीम इंडिया वर्ल्ड टेस्ट चॅम्पियनशिप फायनलच्या शर्यतीतूनही बाहेर आहे. ऑस्ट्रेलियाने अंतिम फेरी गाठली असून दक्षिण आफ्रिकेने आधीच पात्रता मिळवली आहे. जूनमध्ये लॉर्ड्सच्या ऐतिहासिक मैदानावर ऑस्ट्रेलिया आणि दक्षिण आफ्रिका यांच्यात डब्ल्यूटीसीचा विजेतेपदाचा सामना रंगणार आहे.
