भारत आणि ऑस्ट्रेलिया यांच्यातील तीन सामन्यांच्या वनडे मालिकेला शुक्रवारपासून (22 सप्टेंबर) सुरुवात झाली. टीम इंडियाचा कार्यवाहक कर्णधार केएल राहुलने नाणेफेक जिंकून प्रथम गोलंदाजी करण्याचा निर्णय घेतला. ऑस्ट्रेलियाने 50 षटकात 276 धावा केल्या. प्रत्युत्तरात टीम इंडियाने 48.4 षटकात 281 धावा करत सामना जिंकला. या विजयासह भारत आयसीसी वनडे क्रमवारीत पहिल्या स्थानावर पोहोचला आहे. तो आधीच टी-20 आणि कसोटीत अव्वल होता. अशाप्रकारे भारत एकाच वेळी तिन्ही फॉरमॅटमध्ये नंबर-1 बनला आहे.
पराभवाचा परिणाम म्हणून, ऑस्ट्रेलियन संघ नंबर 1 संघ म्हणून विश्वचषकात जाणार नाही. भारताविरुद्धचे उर्वरित दोन सामने जिंकूनही अव्वल स्थान गाठू शकणार नाही. मात्र, ऑस्ट्रेलियाने उर्वरित दोन्ही सामने जिंकल्यास भारताची पहिल्या स्थानावर घसरण होऊ शकते आणि पाकिस्तान अव्वल स्थानावर येऊ शकतो.
मोहाली येथे खेळल्या गेलेल्या एकदिवसीय सामन्यात नाणेफेक गमावल्यानंतर प्रथम फलंदाजी करताना ऑस्ट्रेलियाने 50 षटकात सर्व 10 गडी गमावून 276 धावा केल्या. डेव्हिड वॉर्नरने 52, जोश इंग्लिशने 45 आणि स्टीव्ह स्मिथने 41 धावा केल्या. भारताकडून मोहम्मद शमीने पाच विकेट घेतल्या. प्रत्युत्तरात ऋतुराज गायकवाड आणि शुभमन गिल यांनी टीम इंडियाला चांगली सुरुवात करून दिली आणि पहिल्या विकेटसाठी 142 धावा जोडल्या. ऋतुराजने 71 धावांची तर शुभमन गिलने 74 धावांची खेळी केली. तर, सूर्यकुमार यादव 50 धावा करून बाद झाला. कर्णधार केएल राहुलने 58 धावांची नाबाद खेळी खेळली. त्याने 49व्या षटकात शॉन अॅबॉटला षटकार खेचून टीम इंडियाला विजय मिळवून दिला.
