ईस्ट दिल्ली रायडर्सने रोमांचक सामन्यात दिल्ली प्रीमियर लीग T20 च्या पहिल्या सत्राचे विजेतेपद जिंकून इतिहास रचला आहे. अरुण जेटली स्टेडियमवर खेळल्या गेलेल्या या अंतिम रोमांचक सामन्यात ईस्ट दिल्ली रायडर्सने दक्षिण दिल्ली सुपरस्टार्सचा 3 धावांनी पराभव केला. मयांक रावतची स्फोटक फलंदाजी आणि गोलंदाजीने या विजयात महत्वाची भूमिका निभावली.
या सामन्यात ईस्ट दिल्ली रायडर्सने नाणेफेक जिंकून प्रथम फलंदाजी करण्याचा निर्णय घेतला.मयंक रावतच्या उत्कृष्ट फलंदाजीमुळे ईस्ट दिल्ली रायडर्सने 20 षटकांत 183/5 अशी आव्हानात्मक धावसंख्या उभारली. विशेष बाब म्हणजे शेवटच्या षटकात आयुष बडोनीच्या चेंडूवर मयंकने सलग पाच षटकार ठोकले, त्यामुळे धावसंख्या 183 पर्यंत पोहोचली.
183 धावांच्या लक्ष्याचा पाठलाग करण्यासाठी उतरलेल्या दक्षिण दिल्ली सुपरस्टार्सची सुरुवातही खराब झाली. त्यांनी प्रियांश आर्य (6 धावा) आणि आयुष बडोनी (7 धावा) या दोन महत्त्वाच्या फलंदाजांना लवकर गमावले. प्रभावशाली खेळाडू कुंवर बिधुरी (22 धावा) याला मयंक रावतने झेलबाद केले आणि पॉवरप्लेनंतर त्यांची धावसंख्या 57/3 वर नेली.
