आयपीएल 2025 मध्ये, मुंबई इंडियन्सने बुधवारी दिल्ली कॅपिटल्सचा पराभव करून प्लेऑफमधील आपले स्थान निश्चित केले. या पराभवासोबतच, दिल्लीच्या एका खेळाडूला आयपीएलच्या आचारसंहितेचे उल्लंघन केल्याबद्दल मोठा दंड ठोठावण्यात आला आहे. दिल्लीचा वेगवान गोलंदाज मुकेश कुमारला त्याच्या सामन्याच्या मानधनाच्या 10 टक्के दंड ठोठावण्यात आला.
सामन्यादरम्यान क्रिकेट उपकरणे किंवा कपडे, मैदानी उपकरणे किंवा फिक्स्चर आणि फिटिंग्जचा गैरवापर करण्याशी संबंधित कलम 2.2 अंतर्गत लेव्हल 1 च्या उल्लंघनासाठी मुकेशला एक डिमेरिट पॉइंट देखील देण्यात आला. बुधवारी वानखेडेवर मुंबई इंडियन्सकडून 59 धावांनी पराभव पत्करावा लागल्याने दिल्ली कॅपिटल्स प्लेऑफच्या शर्यतीतून बाहेर पडले. या विजयासह, मुंबई इंडियन्स प्लेऑफमध्ये पात्र ठरणारा चौथा संघ बनला. यापूर्वी गुजरात टायटन्स, रॉयल चॅलेंजर्स बंगळुरू आणि पंजाब किंग्ज यांनी पात्रता मिळवली आहे.
"मुकेश कुमारने आयपीएलच्या कलम 2.2 च्या लेव्हल 1 चे उल्लंघन स्वीकारले आहे आणि मॅच रेफ्रीची शिक्षा स्वीकारली आहे," असे आयपीएलच्या प्रसिद्धीपत्रकात म्हटले आहे. यानुसार, 'आचारसंहितेच्या लेव्हल वन उल्लंघनासाठी मॅच रेफरीचा निर्णय वैध आहे.' बुधवारी मुकेशने त्याच्या चार षटकांत 48 धावा दिल्या आणि दोन विकेट घेतल्या. त्याच्या शेवटच्या षटकात तीन षटकार आणि दोन चौकारांसह 27 धावा निघाल्या
