भारत आणि ऑस्ट्रेलिया यांच्यातील कसोटी सामनासुरू झाला आहे. यासोबतच दक्षिण आफ्रिका आणि पाकिस्तानचे संघही कसोटीत आमनेसामने आहेत. पाकिस्तान संघ दक्षिण आफ्रिकेविरुद्ध दोन कसोटी सामने खेळणार आहे. हे सामने जागतिक कसोटी चॅम्पियनशिपचा भाग आहेत. दरम्यान, पाकिस्तानचा माजी कर्णधार बाबर आझमची बॅट पहिल्या कसोटीत चालली नाही, मात्र छोट्या डावात त्याने नवा विक्रम निश्चितच केला आहे. जे काम आतापर्यंत फक्त विराट कोहली आणि रोहित शर्मा करू शकत होते, आता बाबर आझमचे नावही त्या यादीत सामील झाले आहे.
बाबर आझम कसोटी, एकदिवसीय आणि T20 आंतरराष्ट्रीय अशा तिन्ही फॉरमॅटमध्ये 4000 धावा करणारा जगातील तिसरा फलंदाज ठरला आहे. आजच्या सामन्यात बाबर आझमने 11 चेंडूत 4 धावा केल्या, यासह त्याने कसोटीत चार हजार धावा पूर्ण केल्या आहेत. त्याने याआधी एकदिवसीय आणि टी-20 आंतरराष्ट्रीय सामन्यांमध्ये ही कामगिरी केली आहे. बाबर आझमने 56 कसोटी खेळून 4000 धावा केल्या आहेत. ODI बद्दल बोलायचे झाले तर त्याने 123 सामने खेळून 5957 धावा केल्या आहेत. बाबर आझमने आतापर्यंत 128 सामने खेळून T20 आंतरराष्ट्रीय क्रिकेटमध्ये 4223 धावा केल्या आहेत.
विराट कोहलीचे बोलायचे झाले तर त्याने आतापर्यंत 121कसोटी सामने खेळले असून 9166 धावा केल्या आहेत. एकदिवसीय क्रिकेटमध्ये त्याने 295 सामने खेळून 13906 धावा केल्या आहेत. विराट कोहलीने 125 सामने खेळून T20 आंतरराष्ट्रीय क्रिकेटमध्ये 4188 धावा केल्या आहेत. रोहित शर्माने आतापर्यंत 66 कसोटी सामन्यांमध्ये 4289 धावा केल्या आहेत. रोहित शर्माने एकदिवसीय क्रिकेटमध्ये 265 सामने खेळून 10866 धावा केल्या आहेत. रोहित शर्माने 159 सामने खेळून T20 आंतरराष्ट्रीय क्रिकेटमध्ये 4231 धावा केल्या आहेत. या फॉरमॅटमध्ये तो सर्वाधिक धावा करणारा फलंदाजही आहे.
