एकीकडे दक्षिण आफ्रिकेविरुद्ध भारताला लाजिरवाण्या डावात पराभवाला सामोरे जावे लागले, तर दुसरीकडे सोशल मीडियावर चाहत्यांनी अजिंक्य रहाणे आणि चेतेश्वर पुजाराची खूप आठवण काढली. भारताच्या कसोटी संघाचे नेतृत्त्व केलेल्या अजिंक्य रहाणेला एक मोठी जबाबदारी आता मिळाली आहे, रहाणे आता या संघाचे कर्णधारपद भूषवताना दिसणार आहे.
१५ सदस्यीय संघात मागील हंगामातील बहुतेक खेळाडूंचा समावेश आहे. सरफराज खान, शिवम दुबे, सुवेद पारकर, शम्स मुलानी, तुषार देशपांडे आणि धवल कुलकर्णी यांनी २०२४ च्या सीझनसाठी भक्कम असा सेटअप तयार केला आहे. यशस्वी जयस्वाल हे एकमेव हाय-प्रोफाइल नाव आहे जे पहिल्या दोन सामन्यांमधून गायब आहे. जुलै २०२३ मध्ये पदार्पण केल्यापासून तो राष्ट्रीय संघाचा भाग आहे.
सरफराज खानचा धाकटा भाऊ, १८ वर्षीय फिरकी अष्टपैलू मुशीर खान देखील संघात नाही कारण तो दक्षिण आफ्रिकेतील आगामी विश्वचषक स्पर्धेसाठी भारताच्या १९ संघात सामील झाला आहे. दरम्यान, रहाणे गेल्या मोसमात मुंबईसाठी रणजी ट्रॉफीमध्ये धावसंख्येच्या क्रमवारीत अव्वल स्थानावर होता, तर शॉ सहा सामन्यात ५९.५० च्या सरासरीने ५९५ धावा आणि एक शतक झळकावणारा कर्णधारानंतरचा सर्वोत्तम फलंदाज होता. रहाणे आणि शॉ (एकदा तंदुरुस्त) हे दोघेही आंतरराष्ट्रीय क्रिकेटमध्ये पुनरागमन करण्यासाठी ते कामगिराचा आलेख उंचावण्याचा प्रयत्न करतील.
मुंबई ५ जानेवारीपासून रणजी ट्रॉफी मोहिमेला बिहार विरुद्ध पाटणा येथील मोईन उल हक स्टेडियमवर सुरुवात करेल आणि १२ जानेवारीपासून एमसीए शरद पवार क्रिकेट अकादमी मैदानावर आंध्रचा सामना करेल. ८८ सीझनमध्ये ३९ विजेतेपदांसह मुंबई रणजी करंडक स्पर्धेतील सर्वात यशस्वी संघ आहे, परंतु २०१४ पासून संघाने या स्पर्धेचे जेतेपद जिंकलेले नाही.मुंबईला गेल्या मोसमात बाद फेरी गाठण्यात अपयश आले आणि सात सामन्यांतून केवळ तीन विजयांसह एलिट गट ब मध्ये चौथ्या स्थानावर राहिले.
