दक्षिण आफ्रिकेत पहिली कसोटी मालिका जिंकण्याचे भारताचे स्वप्न भंगले. केपटाऊन कसोटी चार दिवसांत जिंकून दक्षिण आफ्रिकेने तीन सामन्यांची कसोटी मालिका 2-1ने जिंकली. यासह, ICC वर्ल्ड टेस्ट चॅम्पियनशिप (WTC) 2021-23 मध्ये पुन्हा एकदा मोठे फेरबदल पाहायला मिळाले. ही कसोटी मालिका जिंकताना दक्षिण आफ्रिकेला ICC वर्ल्ड टेस्ट चॅम्पियनशिप (WTC) 2021-23 च्या गुणतालिकेत फायदा झाला आहे, तर टीम इंडियाची घसरण झाली आहे.
ICC वर्ल्ड टेस्ट चॅम्पियनशिप (WTC) 2021-23 च्या ताज्या पॉइंट टेबलनुसार, भारत 49.07 टक्के गुणांसह पाचव्या क्रमांकावर आहे. याचबरोबर दक्षिण आफ्रिका 66.66 टक्के गुणांसह चौथ्या क्रमांकावर पोहोचली आहे. यापूर्वी भारत चौथ्या क्रमांकावर होता, तर दक्षिण आफ्रिका गुणतालिकेत पाचव्या क्रमांकावर होता.
