T20 विश्वचषक 2024 विश्वचषकापूर्वी भारतीय संघाच्या अडचणी वाढत आहेत. 11 मार्च रोजी एकदिवसीय विश्वचषक 2023 चा हिरो ठरलेला मोहम्मद शमी शस्त्रक्रियेनंतर 2024 टी-20 विश्वचषकातून बाहेर पडला आहे. याच्या एका दिवसानंतर 12 मार्चला आणखी एक मोठा धक्का बसला आणि भारताचा आणखी एक स्टार वेगवान गोलंदाज 2024 च्या T20 विश्वचषकातून बाहेर पडू शकतो. 2 जूनपासून आयसीसी टी-20 विश्वचषक 2024 यूएसए आणि वेस्ट इंडिज यांच्या संयुक्त विद्यमाने खेळवला जाणार आहे, परंतु त्याआधीच भारताचा तणाव वाढताना दिसत आहे.
23 फेब्रुवारी रोजी टीम इंडियाचा स्टार वेगवान गोलंदाज प्रसिध कृष्णाच्या डाव्या बाजूच्या क्वाड्रिसेप्स टेंडनवर शस्त्रक्रिया करण्यात आली. त्यानंतर तो आयपीएल 2024 मधून बाहेर पडला आहे. सध्या प्रसिध कृष्णा बीसीसीआयच्या वैद्यकीय पथकाच्या देखरेखीखाली आहेत. तो लवकरच पुनर्वसनासाठी बंगळुरू येथील राष्ट्रीय क्रिकेट अकादमीत जाणार आहे. IPL 2024 मधून बाहेर पडल्यानंतर प्रसिध कृष्णा जूनमध्ये खेळल्या जाणाऱ्या T20 विश्वचषकातूनही संघाबाहेर असू शकतो. प्रसिद्ध कृष्णा आयपीएलमध्ये राजस्थान रॉयल्सकडून खेळतो. त्याच्या बाहेर पडल्याने त्याच्या संघालाही मोठा धक्का बसला आहे.
