देशातील सर्वात मोठी बँक आणि कर्ज देणारी SBI ने त्यांच्या ठेवी आणि कर्जदरात वाढ केली आहे. गेल्या आठवड्यात रिझर्व्ह बँकेच्या रेपो दरात वाढ केल्यानंतर एसबीआयने हा निर्णय घेतला आहे. SBI ने 2 कोटी रुपयांपेक्षा कमी आणि 211 दिवस ते 3 वर्षांच्या मुदत ठेवींसाठी 0.20 टक्के व्याजदर वाढवले आहेत. स्टेट बँक ऑफ इंडियाने आपल्या वेबसाइटवर माहिती देताना सांगितले की, हे सुधारित व्याजदर 14 जून 2022 पासून लागू झाले आहेत. याशिवाय SBI ने MCLR म्हणजेच मार्जिनल कॉस्ट ऑफ लेंडिंग रेटमध्ये 0.20 टक्क्यांनी वाढ केली आहे. हे वाढलेले दर 15 जूनपासून लागू होतील.
एसबीआयने आपल्या वेबसाइटवर म्हटले आहे की बँकेने 211 दिवसांपासून एक वर्षापेक्षा कमी मुदत ठेवींचे व्याज दर 4.60 टक्के कमी केले आहेत, जे पूर्वी 4.40 टक्के होते. त्याचबरोबर ज्येष्ठ नागरिकांना 5.10 टक्के व्याज दिले जाईल, जे पूर्वी 4.90 टक्के होते.एक वर्षापेक्षा जास्त आणि दोन वर्षांपेक्षा कमी कालावधीच्या FD साठी, ग्राहकांना आता 0.20 टक्क्यांनी वाढलेल्या 5.30 टक्के व्याजदर मिळेल. यासोबतच SBI ने दोन वर्षांपेक्षा कमी आणि तीन वर्षांपेक्षा जास्त कालावधीच्या FD वर 5.20 टक्क्यांवरून 5.35 टक्के व्याजदर वाढवला आहे. SBI ने रु. 2 कोटी आणि त्याहून अधिकच्या घरगुती घाऊक मुदत ठेवींवरील व्याजदरात 0.75 टक्क्यांपर्यंत वाढ केली आहे
एसबीआयच्या वेबसाइटवर दिलेल्या माहितीनुसार, एमसीएलआरमध्ये नुकत्याच झालेल्या बदलानंतर एक वर्षांपर्यंतच्या कर्जाचा दर 7.20 टक्क्यांवरून 7.40 टक्क्यांवर पोहोचला आहे. त्याचप्रमाणे, तीन वर्षांच्या कर्जासाठी MCLR 7.05 टक्क्यांवरून 7.70 टक्क्यांवर पोहोचला आहे. विशेष म्हणजे, वाहन, गृह आणि वैयक्तिक कर्जासारखी बहुतांश ग्राहक कर्जे MCLR शी जोडलेली आहेत.
