मासिक पाळी काळात पॅड लीक होण्याची भीती वाटते का? या टिप्स अवलंबवा

मासिक पाळी ही महिलांमध्ये नैसर्गिक प्रक्रिया आहे. मासिक पाळीत महिलांमध्ये अनेक हार्मोनल बदल होतात. मासिक पाळी दरम्यान रक्तस्त्राव व्यतिरिक्त, पोटदुखी, पेटके येणे आणि मूड बदलणे यासारख्या समस्या देखील होतात. 

मासिक पाळीत रक्तस्त्राव होणे हे सामान्य आहे परंतु जर जास्त रक्तस्त्राव होत असेल तर खूप त्रास होतो. मोठ्या प्रमाणात रक्तस्त्राव होत असल्याने दिवसातून अनेक वेळा सॅनिटरी नॅपकिन बदलावे लागतात. अनेकदा महिलांना मासिक पाळी येण्याची भीती असते. विशेषत: जर आपल्याला ही जास्त रक्तस्त्राव होत असेल तर मासिक पाळी दरम्यान पॅड लीक होण्याची शक्यता जास्त असते, पॅड लिकेज झाल्यामुळे काहीवेळा कपड्यांमध्ये डाग  लागतात. पॅड लिकेज होऊ नये या साठी काही टिप्स अवलंबवा जेणे करून या समस्याला टाळता येईल. चला तर मग जाणून घेऊ या.

1 पॅड नीट लावा - मासिक पाळी दरम्यान गळती टाळण्यासाठी पॅड योग्यरित्या लावणे खूप महत्वाचे आहे. यासाठी नेहमी अंडरवेअरच्या मध्यभागी पॅड ठेवा. कापडी पॅड वापरल्याने गळती होण्याची अधिक शक्यता असते. यासाठी कापडी पॅडऐवजी सामान्य पॅड वापरा.

2 विंग्स असलेले पॅड वापरा - जर आपल्याला मासिक पाळी दरम्यान जास्त प्रवाह येत असेल किंवा गळतीची समस्या असेल तर विंग्स असलेले पॅड वापरा. हे पॅड अंडरवेअरला चिकटतात आणि जास्त हलत नाहीत. विंग्स असलेले पॅड द्रवपदार्थ जेलमध्ये रूपांतरित करतात, ज्यामुळे गळती रोखते.

3 पँटी लाइनर वापरा -जर आपल्याला मासिक पाळीत पेड लिकेज होण्याची भीती असते तर आपण पँटी लाइनर घालू शकता. आपण ते पॅडच्या बाजूला आणि तळाशी लागू करू शकता. यामुळे अतिरिक्त कव्हरेज मिळेल आणि डाग पडण्याची भीती राहणार नाही. आपण आपल्या इच्छेनुसार, पँटी लाइनर समायोजित करू शकता. 

4 पिरियड पॅन्टी वापरा- जर तुम्हाला मासिक पाळी दरम्यान रक्त गळती टाळायची असेल तर  पीरियड पॅन्टी वापरू शकता. ही सामान्य पँटीपेक्षा पूर्णपणे वेगळी आहे आणि तिच्या आतील बाजूस कापडाचे तीन थर आहेत. या पँटीज जरा महाग असतात पण त्यांची शोषकता जास्त असते.

5 योग्य आकाराचे पॅड निवडा-जर  जास्त प्रवाहाची समस्या असेल तर योग्य लांबी आणि जाडीचे पॅड वापरा. जर आपण कमी लांबीचे किंवा जाडीचे पॅड लावले तर त्यामुळे  कपड्यांवर रक्ताचे डाग पडू शकतात. म्हणून, आपण फक्त योग्य आकाराचे पॅड वापरावे.