Maharashtra Election Result: महाराष्ट्रात निकालापूर्वी पोस्टर लागले, अजित पवार भावी मुख्यमंत्री होणार?

Ajit Pawar News :  महाराष्ट्रातील विधानसभा निवडणूक 2024 चे निकाल आज शनिवारी जाहीर होणार आहे. पण, निकालापूर्वी पोस्टर वॉरही सुरू झाले आहे. अजित पवारांना भावी मुख्यमंत्री घोषित करणारे पोस्टर्स लावण्यात आले आहे.

20 नोव्हेंबरला राज्यातील विधानसभेच्या एकूण 288 जागांसाठी एकाच टप्प्यात मतदान झाले. आतापासून थोड्याच वेळात निवडणुकीचे निकाल जाहीर होतील. मात्र, निकालापूर्वीच राज्यात पोस्टर वॉर सुरू झाले आहे. राष्ट्रवादीच्या समर्थकांनी उपमुख्यमंत्री अजित पवार यांचे भावी मुख्यमंत्री म्हणून वर्णन करून त्यांचे पोस्टर लावले आहे.

#WATCH | Pune: NCP leader Santosh Nangare says, "Ajit dada is a mass leader of Maharashtra. His work speaks for itself. He does what he says. He speaks for the development of Maharashtra...So, all workers, leaders of NCP and the youth like him...We feel that he should become the… https://t.co/x35bFpQaxX pic.twitter.com/RNs81k2vIR

— ANI (@ANI) November 22, 2024

महाराष्ट्रातील निवडणुकीच्या निकालापूर्वी शुक्रवारी पुण्यात राष्ट्रवादीचे नेते संतोष नांगरे यांनी पोस्टर लावले. या पोस्टरमध्ये राष्ट्रवादीचे अध्यक्ष आणि उपमुख्यमंत्री अजित पवार हे मुख्यमंत्री किंवा भावी मुख्यमंत्री म्हणून दाखवण्यात आले आहेत. मात्र, काही काळानंतर आता हे पोस्टर हटवण्यात आले आहे.

अजित पवार यांच्या भावी मुख्यमंत्रीपदाच्या पोस्टरबाबत राष्ट्रवादीचे नेते संतोष नांगरे म्हणाले, "अजितदादा हे महाराष्ट्राचे मास लीडर आहे. त्यांचे काम बोलते. ते जे बोलतात तेच करतात. महाराष्ट्राच्या विकासासाठी ते बोलतात. त्यामुळे सर्व "कार्यकर्ते, राष्ट्रवादीचे नेते आणि तरुण त्यामुळेच आम्ही हा बॅनर लावला आहे.

महाराष्ट्राचे उपमुख्यमंत्री आणि राष्ट्रवादी काँग्रेसचे अध्यक्ष अजित पवार बारामती विधानसभा मतदारसंघातून निवडणूक लढवत आहेत. येथे अजित पवार यांची राष्ट्रवादीचे (शरदचंद्र पवार) उमेदवार युगेंद्र पवार यांच्याशी स्पर्धा आहे. 

Edited By- Dhanashri Naik