नायजेरियात मोसीमधल्या इहाईआला एलजीए या गावात एका तरुणाने चक्क आपल्या वडिलांचं पार्थिव कफनाऐवजी बीएमडब्ल्यू कंपनीच्या कारमध्ये पुरलं. फेसबुकवर व्हायरल झालेल्या पोस्टमध्ये आझुबुईके नावाच्या तरुणाने वडिलांचं पार्थिव बीएमडब्ल्यूच्या लक्झुरिअस एसयूव्हीमध्ये पुरल आहे. फेसबुक फोटोवर काही जणांनी कौतुक केलं आहे, तर कोणी टीकेची झोड उठवली आहे. कफनाऐवजी आलिशान कारमध्ये मृतदेह पुरणं हा पैशांचा अपव्यय असल्याची टीका काही जणांनी केली आहे, तर पालकांना जिवंतपणी गाडीतून फिरवा, मृत्यूनंतर सन्मानाने कफनात पुरवा, शो-ऑफ करु नका, असा सल्लाही कोणी दिला आहे.
