यामुळे देशातील 5 कोटी कुटुंब आणि 25 कोटी लोकांना फायदा होणार असल्याचं राहुल गांधी यांनी सांगितलं आहे. प्रत्येक कुटुंबाचं किमान उत्पन्न १२ हजार रुपये करण्याची योजना असल्याचंही राहुल गांधींनी यावेळी सांगितलं आहे. ही योजना जाहीर करण्याआधी सर्व चर्चा आणि गणितं करण्यात आली असून जगात कोणत्याही देशात अशी योजना नसल्याचं राहुल गांधींनी सांगितलं आहे.
या दरम्यान पंतप्रधान नरेंद्र मोदींवरही निशाणा साधत राहुल गांधी बोलले जर नरेंद्र मोदी देशातील श्रीमंतांना पैसे देऊ शकतं, तर काँग्रेस गरिबांना पैसे देऊ शकतं नाही का ? मोदींनी श्रीमंतांचा आणि गरिबांचा असे दोन भारत निर्माण केले आहेत. पण आम्ही एकच भारत निर्माण करणार आहोत, असं राहुल गांधींनी म्हटलं.
