मुख्य लढत : अशोक नेते (भाजप) विरुद्ध नामदेव उसेंडी (काँग्रेस)
अशोक नेते भाजपचे विद्यमान खासदार आहेत. डॉ.नामदेव उसेंडी कॉंग्रेसचे माजी आमदार आहेत. नेते यांनी २०१४ च्या निवडणुकीत उसेंडी यांचा दोन लाख ३६ हजार मतांनी दारूण पराभव केला होता. त्यावेळी नेते यांना पाच लाख ३५ हजार ९८२ तर उसेंडी यांना २ लाख ९९ हजार ११२ मते मिळाली होती.
लोकसभा निवडणुकीत यावेळी लोकसभेच्या 543 जागांमधून महाराष्ट्रात 48 जागांसाठी मतदान प्रक्रिया पूर्ण झाली. महाराष्ट्रात लोकसभेसाठी चार टप्प्यात मतदान झाले. महाराष्ट्रात पहिल्या टप्प्यातलं मतदान ११ एप्रिलला, दुसऱ्या टप्प्यातलं मतदान १८ एप्रिललला, तिसऱ्या टप्प्यातलं मतदान २३ एप्रिलला आणि चौथ्या टप्प्यातलं मतदान २९ एप्रिलला संपन्न झाले होते. चार टप्प्यात झालेल्या निवडणुकीत सरासरी 60.68 टक्के मतदान झाले. 2014 साली देशात 9 तर महाराष्ट्रात 3 टप्प्यांत मतदान झालं होतं. निवडुणकांचे निकाल 23 मे रोजी जाहीर केले जाणार आहे.
