लतादीदी सचिन तेंडुलकरला मुलगा मानत होत्या, दोघांचे नाते खूप खास होते

सुप्रसिद्ध गायिका लता मंगेशकर यांनी आज या जगाचा निरोप घेतला. वयाच्या 92 व्या वर्षी त्यांनी रविवारी मुंबईतील ब्रीच कँडी रुग्णालयात अखेरचा श्वास घेतला. 8 जानेवारी रोजी प्रकृती अस्वास्थ्यामुळे त्यांना रुग्णालयात दाखल करण्यात आले होते. अखेरीस कोविडपासून आजारी असलेल्या लताजींचा दीर्घ संघर्ष 6 फेब्रुवारी रोजी संपला आणि त्यांनी या जगाचा निरोप घेतला.

लताजींनी त्यांच्या आयुष्यात अभिनयापासून संगीतापर्यंत नशीब आजमावले आहे. संगीत हे त्यांचं पहिलं प्रेम आहे असं त्या नेहमी सांगत राहिल्या पण कदाचित तुम्हाला माहित नसेल की लताजी देखील क्रिकेटच्या खूप मोठ्या चाहत्या होत्या. क्रिकेटची आवड व्यक्त करताना त्या कधीही मागेपुढे पाहत नव्हतं. लताजींचा आवडता खेळाडू सचिन तेंडुलकर होता हेही कोणापासून लपून राहिलेले नाही. सचिनच्या खेळाबद्दल दीदी वेळोवेळी आपले मत मांडत असत.

आई-मुलाचे नाते

सचिन तेंडुलकर आणि लता मंगेशकर यांचे नाते आई मुलापेक्षा कमी नव्हते. दोघेही अनेकदा भेटत असत आणि वाढदिवसापासून कोणत्याही खास प्रसंगी एकमेकांना शुभेच्छा द्यायला विसरत नसत. लताजींनी एका मुलाखतीदरम्यान त्यांच्या आणि सचिनच्या अत्यंत प्रेमळ नातेसंबंधाचा उल्लेख करताना सांगितले होते की, सचिन माझ्याशी आईप्रमाणे वागतो आणि मी प्रत्येक आईप्रमाणे त्याच्या आरोग्यासाठी प्रार्थना करते. सचिनला क्रिकेटच्या मैदानात चांगली कामगिरी करताना बघायला आवडतं, असं त्या म्हणायला होत्या.

आई म्हटल्यावर लतादीदी भावूक झाल्या

लता मंगेशकर म्हणाल्या की, सचिनने मला पहिल्यांदा आई हाक मारलेला क्षण मला अजूनही आठवतो. त्यांनी आई हाक मारली तेव्हा लतादीदी भावूक झाल्या. त्यांच्याकडून स्वतःसाठी आई हा शब्द ऐकून मला आश्चर्य वाटले, कारण तो मला आई म्हणेल असे मला वाटले नव्हते, असे लतादीदींनी सांगितले होते. सचिनसारखा मुलगा मिळाल्याने मी स्वतःला भाग्यवान समजते असे ही म्हणत होत्या.