हिंदू धर्मात जन्माष्टमी सणाला विशेष महत्त्व आहे. वैदिक दिनदर्शिकेनुसार दरवर्षी श्रावण महिन्यातील कृष्ण पक्षातील अष्टमी तिथीला कृष्ण जन्माष्टमी मोठ्या उत्साहात साजरी केली जाते. हा दिवस भगवान श्रीकृष्णाचा जन्मदिवस म्हणून साजरा केला जातो. धार्मिक मान्यतेनुसार, या विशेष दिवशी भगवान श्रीकृष्णाची पूजा केल्याने जीवनातील सर्व प्रकारच्या समस्या दूर होतात आणि सुख-समृद्धीचे आशीर्वाद प्राप्त होतात. या वर्षी कृष्ण जन्माष्टमी कधी साजरी होणार, शुभ मुहूर्त आणि या दिवसाचे महत्त्व जाणून घेऊया.
कृष्ण जन्माष्टमी 2024 तारीख
वैदिक दिनदर्शिकेनुसार श्रावण महिन्यातील कृष्ण पक्षातील अष्टमी तिथी 26 ऑगस्ट रोजी पहाटे 3.40 वाजता सुरू होईल आणि 27 ऑगस्ट रोजी पहाटे 2.19 वाजता समाप्त होईल. अशात सोमवार 26 ऑगस्ट 2024 रोजी कृष्ण जन्माष्टमी व्रत पाळण्यात येणार आहे. या विशेष दिवशी मध्यरात्रीचा मुहूर्त 27 ऑगस्ट रोजी सकाळी 12:25 आहे आणि पूजेचा शुभ मुहूर्त 12:02 ते 12:45 दरम्यान असेल. हेच व्रत 27 ऑगस्ट रोजी सकाळी 05:55 नंतर मोडता येईल.
कृष्ण जन्माष्टमी व्रताचे नियम काय आहेत?
एकादशी व्रत प्रमाणेच कृष्ण जन्माष्टमी व्रत पाळले जाते आणि या काळात काही नियमांचे पालन केले जाते असे शास्त्रात सांगितले आहे. जन्माष्टमी व्रताच्या दिवशी अन्न सेवन करण्यास मनाई आहे. तसेच जन्माष्टमीचे व्रत सूर्योदयानंतर किंवा अष्टमी तिथीनंतर किंवा अष्टमी तिथी संपल्यानंतरच मोडावे. या काळात मनामध्ये कोणतेही नकारात्मक विचार येऊ नयेत आणि मांस, दारू, कांदा, लसूण इत्यादींच्या सेवनापासून दूर राहावे.
कृष्ण जन्माष्टमीचे महत्त्व काय?
धर्मसंस्थापनेसाठी पृथ्वीवर जन्मलेल्या श्रीहरीचा सातवा अवतार भगवान श्रीकृष्ण आहे, असे शास्त्रात वर्णन आहे. यासह महाभारताच्या युद्धात भगवान श्रीकृष्णाने कंसाचा वध करून अर्जुनला गीतेचा उपदेश केला होता. धार्मिक मान्यतांनुसार, या विशेष दिवशी भगवान श्रीकृष्णाच्या बालस्वरूपाची पूजा केल्याने व्यक्तीला धन, समृद्धी आणि सौभाग्य प्राप्त होते. तसेच जीवनात येणाऱ्या अनेक प्रकारच्या समस्या दूर होतात.
