देशातील सुमारे 63 टक्के लोकांना घरात इंटरनेट वापरताना योग्य नेटवर्क नसल्याने आवाज तुटणे, सतत कनेक्शन बंद होणे, अनियमित वेग, थ्रीजी उपलब्धता नाही. या विविध अडचणींना तोंड द्यावे लागते, असे एरिक्शसनने आपल्या अहवालात म्हटले आहे.
या अभ्यासानुसार तीनपैकी एक व्यक्ती स्मार्टफोनचा वापर करत आहे. तर पाचपैकी तीन स्मार्टफोन युझर्स मोबाइल ब्राँडबँडचा वापर करतात. एरिक्शसच्या अहवालानुसार, सोशल नेटवर्किग साईटच्या वापरासाठी 61 टक्के इंटरनेटचा वापर होतो. तर 54 टक्के वापर म्युझिक तसेच व्हिडिओ डाऊनलोडिंगसाठी तसेच इन्स्टंट मेसेजिंग अँपसाठी वापर होतो. 46 टक्के वापर इंटरनेट ब्राऊसिंगसाठी तर 45 टक्के वापर इमेलसाठी केला जातो.