इंडियन प्रीमियर लीगचा (आयपीएल) 17वा हंगाम खेळणाऱ्या दिल्ली कॅपिटल्स संघाला 12 मे रोजी रॉयल चॅलेंजर्स बंगळुरू संघाविरुद्ध होणाऱ्या सामन्यापूर्वी मोठा धक्का बसला आहे.सामन्यापूर्वी कर्णधार ऋषभ पंत वर एका सामन्याची बंदी घालण्यात आली आहे. आयपीएलच्या आचारसंहितेचे उल्लंघन केल्याप्रकरणी पंत वर ही बंदी घालण्यात आली आहे.
राजस्थान रॉयल्सविरुद्ध खेळल्या गेलेल्या सामन्यात दिल्ली कॅपिटल्सने षटकांचा कोटा वेळेवर पूर्ण केला नाही, त्यानंतर तिसऱ्यांदा या चुकीमुळे संघाचा कर्णधार पंतला एका सामन्यासाठी निलंबित करण्यात आले आणि 30 लाख रुपयांचा दंड ठोठावण्यात आला आहे.
7 मे रोजी, दिल्ली कॅपिटल्स संघाने त्यांच्या घरच्या मैदानावर अरुण जेटली स्टेडियमवर राजस्थान रॉयल्स विरुद्ध सामना खेळला, ज्यामध्ये त्यांनी एक रोमांचक विजय मिळवला. या सामन्यानंतर मॅच रेफरीने दिल्ली कॅपिटल्स संघाच्या ऋषभ पंतला या हंगामात तिसऱ्यांदा IPA आचारसंहितेचे उल्लंघन केल्याबद्दल एका सामन्यासाठी निलंबित करण्याचा निर्णय घेतला. या सामन्यात, दिल्ली संघाच्या प्लेइंग इलेव्हनमध्ये समाविष्ट असलेल्या उर्वरित खेळाडूंव्यतिरिक्त, प्रभावशाली खेळाडूसह प्रत्येकाला 12 लाख रुपये किंवा त्यांच्या फीच्या 50 टक्के, यापैकी जे कमी असेल तो दंड ठोठावण्यात आला आहे.
