आयपीएल 2023 मधील चेन्नई सुपर किंग्जचा दुसरा सामना संघाचा कर्णधार महेंद्रसिंग धोनीसाठी अनेक अर्थांनी खास होता. धोनीने या सामन्यात केवळ तीन चेंडूंचा सामना केला, मात्र दोन षटकार मारत 12 धावा केल्या आणि आयपीएलमधील 5000 धावाही पूर्ण केल्या. या सामन्यात तो 20व्या षटकाच्या दुसऱ्या चेंडूवर फलंदाजीला आला. त्याने ओव्हरच्या दुसऱ्या आणि तिसऱ्या चेंडूवर षटकार ठोकला. मात्र, तिसऱ्या चेंडूवर षटकार मारण्याच्या प्रयत्नात बाद झाला.
धोनीने दोन षटकार मारून हा सामना स्वतःसाठी आणि चाहत्यांसाठी खास बनवला. या सामन्यात 12 धावा करण्यासोबतच त्याने आयपीएलमधील 5000 धावा पूर्ण केल्या. IPL मध्ये 5000 धावा करणारा धोनी हा सातवा आणि पाचवा भारतीय खेळाडू आहे. त्याच्याआधी विराट कोहली, शिखर धवन, डेव्हिड वॉर्नर, रोहित शर्मा, सुरेश रैना आणि एबी डिव्हिलियर्स यांनी ही कामगिरी केली आहे.
