लक्ष्याचा पाठलाग करणाऱ्या मुंबईने सुरुवातीलाच रोहित शर्माची विकेट गमावली. इशान आणि टिळक यांनी 81 धावांची भागीदारी केली, पण दोघेही अर्धशतक ठोकल्यानंतर बाद झाले. यानंतर पोलार्डच्या संथ फलंदाजीमुळे संघाला 194 धावांचा पाठलाग करता आला नाही.
मुंबईच्या पराभवाला किरॉन पोलार्डच जबाबदार होता. त्याने 24 चेंडूत केवळ 22 धावा केल्या. 13 व्या षटकात पोलार्ड फलंदाजीला आला, त्यावेळी संघाची धावसंख्या 121/3 होती आणि मुंबईची स्थिती चांगली होती. एमआयला शेवटच्या 12 चेंडूत 39 धावा करायच्या होत्या, पण पोलार्डला केवळ 10 धावा करता आल्या. यापूर्वी त्याने गोलंदाज म्हणून 4 षटकात 46 धावा दिल्या होत्या.
