चेन्नई सुपर किंग्जचा कर्णधार रवींद्र जडेजाने शनिवारी (30 एप्रिल) आपल्या पदाचा राजीनामा दिला. टूर्नामेंट सुरू होण्यापूर्वीच कर्णधारपद सोडलेला महेंद्रसिंग धोनी पुन्हा संघाची धुरा सांभाळणार आहे. जडेजाला कर्णधारपदाचे दडपण सांभाळता आले नाही. खेळावर लक्ष केंद्रित करण्यासाठी त्याने पुन्हा धोनीकडे कर्णधारपद सोपवले. चेन्नई संघाने चालू हंगामात आतापर्यंत केवळ दोनच सामने जिंकले आहेत. आठ सामन्यांत सहा पराभवांसह संघ नवव्या स्थानावर आहे.
रविवारी सनरायझर्स हैदराबादविरुद्धच्या सामन्यात धोनी कर्णधार म्हणून खेळणार आहे. आयपीएल सुरू होण्याच्या दोन दिवस आधी त्याने कर्णधारपद सोडण्याचा निर्णय घेतला होता. धोनी हा आयपीएलच्या इतिहासातील दुसरा यशस्वी कर्णधार आहे. त्याच्या नेतृत्वाखाली सीएसके ने 2010, 2011, 2018 आणि 2021 मध्ये चार वेळा विजेतेपद पटकावले. धोनीच्या नेतृत्वाखाली चेन्नईने 121 सामने जिंकले.
चेन्नईने यावेळी आयपीएल लिलावापूर्वी धोनी-जडेजासह चार खेळाडूंना रिटेन केले होते. जाडेजाला फ्रँचायझीने सर्वाधिक 16 कोटी रुपये देऊन कायम ठेवले. मात्र या मोसमासाठी धोनीला केवळ 12 कोटी रुपयांमध्ये कायम ठेवण्यात आले. तेव्हापासून जडेजाला कर्णधार बनवण्याची शक्यता वर्तवली जात होती. त्यानंतर जडेजाही कर्णधारला कर्णधार केले पण त्याला दबाव झेलता आले नाही.
