येमेनच्या हुथी बंडखोरांनी सोमवारी अमेरिकेच्या दोन युद्धनौकांवर ड्रोन आणि क्षेपणास्त्रांनी हल्ला केला. हे हल्ले बाब अल-मंदेब सामुद्रधुनीजवळ झाले. मात्र, अमेरिकन युद्धनौकांनी हे हल्ले परतवून लावले. अमेरिकेच्या संरक्षण विभागाने मंगळवारी ही माहिती दिली. 'हौथी बंडखोरांनी ड्रोन-बॅलिस्टिक क्षेपणास्त्रांचा वापर केला'
हल्लेखोरांनी किमान आठ ड्रोन, पाच अँटी-शिप बॅलिस्टिक क्षेपणास्त्रे आणि तीन जहाजविरोधी क्रूझ क्षेपणास्त्रांचा वापर केला. तथापि, या हल्ल्यांमध्ये अमेरिकन जहाजांचे कोणतेही नुकसान झाले नाही आणि एकही सैनिक जखमी झाला नाही. रायडर यांनी असेही स्पष्ट केले की हुथी बंडखोरांनी युएसएस अब्राहम लिंकन या विमानवाहू जहाजावर हल्ला केल्याचा दावा खरा नाही
हौथी गटाने म्हटले आहे की त्यांनी गाझामध्ये इस्रायलविरुद्ध सुरू असलेल्या संघर्षात पॅलेस्टिनींना पाठिंबा देण्यासाठी हे हल्ले केले आहेत. गेल्या वर्षी ऑक्टोबरमध्ये इस्रायल आणि हमास यांच्यातील युद्ध सुरू झाल्यापासून इराण समर्थित गटांनी लेबनॉन, इराक, सीरिया आणि येमेनमध्ये हल्ले वाढवले आहेत. या हल्ल्यांमध्ये अमेरिकन युद्धनौकांनाही लक्ष्य करण्यात आले आहे. मात्र, आतापर्यंत हे हल्ले हाणून पाडण्यात अमेरिकेला यश आले आहे.
