जगातील सर्वात वयोवृद्ध महिला ल्युसिल रँडन यांचे वयाच्या 118 व्या वर्षी निधन झाले आहे. रँडनला सिस्टर आंद्रे या नावाने ओळखले जाते. माहितीनुसार, रँडनचा जन्म 11 फेब्रुवारी 1904 रोजी दक्षिण फ्रान्समध्ये झाला होता. सेंट-कॅथरीन-लेबरी नर्सिंग होमचे प्रवक्ते तावेला यांनी ही माहिती दिली. ते म्हणाले जगातील सर्वात वृद्ध महिला असलेल्या फ्रेंच नन लुसिल रँडन यांचे निधन झाले आहे. तोलॉन येथील नर्सिंग होममध्ये झोपेतच त्याचा मृत्यू झाला.
मिळालेल्या माहितीनुसार, जपानच्या केन तनाका यांचे वयाच्या 119 व्या वर्षी निधन झाले. यानंतर, रँडन या सर्वात वयोवृद्ध महिला होत्या. रँडनचा जन्म 11 फेब्रुवारी 1904 रोजी दक्षिण फ्रान्समध्ये झाला त्यांना सिस्टर आंद्रे या नावानेही ओळखले जात असे.
नुकतेच रँडन म्हणाल्या होत्या की लोक म्हणतात काम हे माणसाला मारते, पण माझ्यासाठी कामाने मला जिवंत ठेवले. मी वयाच्या 108 व्या वर्षापर्यंत काम करत होते. 2021 मध्ये ल्युसिल रँडन कोविड पॉझिटिव्ह झाल्या आणि त्यातून बरे होऊन त्यांनी जगासमोर आदर्श ठेवला.
