Salman Rushdie Attacked In US: लेखक सलमान रश्दी यांच्यावर न्यूयॉर्कमध्ये एका कार्यक्रमादरम्यान जीवघेणा हल्ला करण्यात आला आहे. कार्यक्रमादरम्यान स्टेजवर सलमान रश्दी यांच्यावर चाकूने हल्ला करण्यात आला. हल्लेखोराने सलमान रश्दी यांनाही धक्काबुक्की केली. या कार्यक्रमात रश्दी यांचे व्याख्यान होणार होते. या हल्ल्यात जखमी झालेल्या सलमान रश्दी यांना तातडीने रुग्णालयात नेण्यात आले. हल्लेखोराला ताब्यात घेण्यात आले आहे.
भारतीय वंशाचे ब्रिटिश नागरिक असलेले सलमान रश्दी गेल्या 20 वर्षांपासून अमेरिकेत राहत आहेत. सलमान रश्दी यांना त्यांच्या 'द सॅटॅनिक व्हर्सेस' या पुस्तकाबाबत धमक्या आल्या आहेत. या पुस्तकावर 1988 पासून इराणमध्ये बंदी घालण्यात आली आहे कारण त्यावर इस्लाम धर्माची निंदा केल्याचा आरोप करण्यात आला आहे. इराणच्या सर्वोच्च नेत्याने त्याच्या डोक्यावर बक्षीसही ठेवले होते.
