पश्चिम मेक्सिकोमध्ये शनिवारी एक मोठा रस्ता अपघात झाला. या अपघातात आतापर्यंत 18 जणांचा मृत्यू झाला असून 33 जण जखमी झाले आहेत. तसे, ही बस गुयाबिटोसला जात होती. स्थानिक अधिकाऱ्यांनी रविवारी ही माहिती दिली.
नागरी संरक्षण अधिकारी पेड्रो नुनेझ यांनी सांगितले की, बस जॅलिस्को या शेजारील राज्यातील ग्वाडालजारा येथून 220 किलोमीटर अंतरावर होती. पर्यटकांना घेऊन जाणारी बस अचानक रस्त्यावरून घसरली आणि दरीत कोसळली. ही बस नायरितमधील गुयाबिटोसच्या समुद्रकिनारी रिसॉर्ट भागात जात असताना अपघात झाला. अपघातग्रस्त टूरिस्ट बसमधील सर्व प्रवासी मेक्सिकन नागरिक असल्याचे नुनेझ यांनी सांगितले. मात्र, अपघाताचे कारण अद्याप समजू शकलेले नाही.
