इस्रायली सैन्याने केलेल्या या हल्ल्याची माहिती गाझामधील आरोग्य अधिकाऱ्यांनी दिली. खान युनूसच्या मवासी भागातील विस्थापित पॅलेस्टिनींच्या गर्दीच्या तंबूच्या छावणीला हे हल्ले लक्ष्य करण्यात आल्याचे त्यांनी सांगितले. या हल्ल्यात 19 जणांचा मृत्यू झाला, तर अनेक लोक ढिगाऱ्याखाली अडकले असून अनेक जण जखमी झाले आहेत. या हल्ल्याचा व्हिडिओ सोशल मीडियावर व्हायरल होत आहे.
इस्रायली सैन्याने आपल्या निवेदनात म्हटले आहे की, या हल्ल्यांमध्ये गाझा पट्टीतील हमासच्या हवाई युनिटचे प्रमुख समर इस्माईल खादर अबू डक्का, हमासच्या लष्करी गुप्तचर मुख्यालयातील तपासणी विभागाचे प्रमुख ओसामा ताबेश, आणि हमासचा एक वरिष्ठ दहशतवादी आयमन माबोह मारला गेला.
