अमेरिकेचे राष्ट्राध्यक्ष डोनाल्ड ट्रम्प यांनी शुक्रवारी आयफोन अमेरिकेत तयार न केल्यास अॅपलच्या उत्पादनांवर २५% कर लादण्याची धमकी दिली. सोशल मीडियावर दिलेल्या धमकीमुळे आयफोनच्या किमतीत मोठी वाढ होऊ शकते, ज्यामुळे अमेरिकेतील आघाडीच्या तंत्रज्ञान कंपन्यांपैकी एक असलेल्या अॅपलच्या विक्री आणि नफ्याचे मोठे नुकसान होऊ शकते.
मिळालेल्या माहितीनुसार अमेरिकेचे राष्ट्राध्यक्ष ट्रम्प यांच्या धमकीनंतर, अ‍ॅपल आता अ‍ॅमेझॉन आणि वॉलमार्टसह इतर अनेक मोठ्या कंपन्यांसह व्हाईट हाऊसचे लक्ष्य बनले आहे. ट्रम्प यांनी लादलेल्या आयात शुल्कामुळे निर्माण झालेल्या अनिश्चितता आणि चलनवाढीच्या दबावांना प्रतिसाद देण्याचा प्रयत्न या कंपन्या करत आहे.
अमेरिकेच्या राष्ट्राध्यक्षांनी त्यांच्या पोस्टमध्ये काय लिहिले?
"मी खूप पूर्वी अॅपलचे सीईओ टिम कुक यांना कळवले होते की अमेरिकेत विकले जाणारे त्यांचे आयफोन अमेरिकेत तयार केले जातील, भारत किंवा इतर कोणत्याही ठिकाणी नाही. जर असे झाले नाही तर अॅपलला अमेरिकेला किमान २५% टॅरिफ भरावा लागेल," ट्रम्प यांनी ट्रुथ सोशलवर पोस्ट केले.
