फिलीपिन्समध्ये तीव्र भूकंपाचे धक्के जाणवले. राष्ट्रीय भूकंपशास्त्र केंद्राच्या मते, शनिवारी पहाटे फिलीपिन्समध्ये ६.० रिश्टर स्केल तीव्रतेचा भूकंप झाला आहे. हा भूकंप शनिवारी (भारतीय वेळेनुसार) पहाटे ४:३७ वाजता झाला.
भूकंपाचे केंद्र कुठे?
फिलीपिन्समधील मिंडानाओ येथे या भूकंपाचे केंद्र आणि खोली जमिनीपासून १०५ किलोमीटर अंतरावर असल्याचा अंदाज आहे. एनसीएसने सोशल मीडिया प्लॅटफॉर्म एक्स वर म्हटले आहे की हा भूकंप अक्षांश: ५.२८ उत्तर, रेखांश: १२६.०८ पूर्व येथे झाला आहे. रिश्टर स्केलवर ६.० तीव्रतेच्या भूकंपाचे धक्के इतके जोरदार होते की लोक घराबाहेर पडले. भूकंपामुळे काही जीवितहानी झाली आहे का किंवा किती नुकसान झाले आहे? अद्याप माहिती नाही.
