पाकिस्तानमध्ये दोन वेगवेगळ्या बस अपघातात 11 यात्रेकरूंसह 37 जणांचा मृत्यू झाला. इराणहून पंजाब प्रांतात 70 यात्रेकरूंना घेऊन जाणारी बस महामार्गावरून घसरून नाल्यात पडल्याने पहिला अपघात झाला. या अपघातात 11 जणांचा मृत्यू झाला. मकरन कोस्टल हायवेवर ही घटना घडली. बसमध्ये प्रवास करणारे बहुतांश प्रवासी लाहोर किंवा गुजरांवाला येथील होते. या घटनेनंतर बचाव मोहीम सुरू करण्यात आली आहे.
पाकव्याप्त काश्मीरमध्ये 35 जणांना घेऊन जाणारी बस नाल्यात पडल्याने दुसरा अपघात झाला. या अपघातात 26 जणांचा मृत्यू झाला. सर्वात मोठी खाजगी रुग्णवाहिका सेवा चालवणाऱ्या ईधी फाऊंडेशनचे कमर नदीम यांनी सांगितले की, आतापर्यंत 26 जणांचा मृत्यू झाला आहे, तर तीन जण जखमी आहेत. मात्र, अपघाताचे कारण अद्याप समजू शकलेले नाही. स्थानिक नागरिक बसमधून मृतदेह बाहेर काढत आहेत. पोलीस आणि बचाव पथक घटनास्थळी पोहोचले आहे. साधनोतीचे उपायुक्त उमर फारूक यांनी सांगितले की, मृतांमध्ये लहान मुले, महिला आणि पुरुषांचा समावेश आहे. हे सर्वजण साधनोती जिल्ह्यातील रहिवासी होते.
