Masik Shivratri 2023 Puja Vidhi : हिंदू धर्मात भगवान भोलेनाथांचे भक्त मोठ्या संख्येने आहेत. शिवरात्रीचा सण भोलेनाथांच्या पूजेसाठी विशेष मानला जातो. हिंदू कॅलेंडरनुसार, दर महिन्याच्या कृष्ण पक्षातील चतुर्दशी तिथीला मासिक शिवरात्रीचे व्रत पाळले जाते. धार्मिक मान्यतेनुसार जो भक्त हे व्रत करतो, त्याच्या जीवनातील अनेक समस्या हळूहळू संपुष्टात येऊ लागतात. याशिवाय त्याच्या आयुष्यात सुख-समृद्धी येऊ लागते. आज म्हणजेच मंगळवार 13 सप्टेंबर 2023 रोजी मासिक शिवरात्रीचे व्रत पाळले जात आहे.
मासिक शिवरात्री 2023
हिंदू कॅलेंडरनुसार, भाद्रपद महिन्यातील कृष्ण पक्षातील चतुर्दशी तिथी 13 सप्टेंबर रोजी पहाटे 02:21 वाजता सुरू झाली आहे, जी 14 सप्टेंबर 2023 रोजी पहाटे 04:48 वाजता समाप्त होईल. शिवरात्रीच्या मध्यरात्री भगवान भोलेनाथाची पूजा करण्याची परंपरा आहे. उदय तिथीनुसार, बुधवार, 13 सप्टेंबर 2023 रोजी मासिक शिवरात्रीचे व्रत पाळले जात आहे.
मासिक शिवरात्रीचे महत्त्व
सनातन धर्मावर विश्वास ठेवणाऱ्या प्रत्येक भक्तासाठी मासिक शिवरात्री विशेष महत्त्वाची मानली जाते. मान्यतेनुसार, जे मासिक शिवरात्रीच्या दिवशी व्रत करतात आणि विधीनुसार भगवान शिव आणि माता पार्वतीची पूजा करतात, त्यांचे वैवाहिक जीवन मधुर होते आणि प्रत्येक समस्या दूर होतात.