कृती : चण्याचे पीठ व रवा एकत्र मिसळून, त्यात चवीप्रमाणे तिखट, मीठ, साखर, ताक, पापडखार, धने व जिरे भाजून त्यांची पूड, अर्धवट कुटलेले धने, अर्धवट कुटलेले मिरे व मोहनाकरिता तीन चमचे कडकडीत तेल असे साहित्य घालावे. मेथीची भाजी चिरून घालावी व पाणी किंवा दूध घालून पीठ भिजवावे. नेहमीच्या भज्याच्या पिठापेक्षा जरा घट्ट भिजवावे. नंतर तेल तापवून त्यात वरील पिठाचे हाताने गोळे करून, टाकून गोटे तयार करावेत.
