केंद्रीय आयुष मंत्री श्रीपाद नाईक यांना कोरोनाची लागण झाली आहे. त्यांनी स्वत: ट्विट करून याबाबत माहिती दिली. “मी कोरोनाची चाचणी केली आणि त्या चाचणीचे निकाल पॉझिटिव्ह आले आहेत. मी आता होम आयसोलेशनमध्ये आहे. गेल्या काही दिवसांमध्ये माझ्या संपर्कात आलेल्यांनी आपली कोरोना चाचणी करावी आणि आवश्यक ती काळजी घ्यावी,” असं श्रीपाद नाईक म्हणाले. त्यांनी यासंदर्भात एक ट्विट केलं आहे.
