राज्यात एकूण १० हजार ८२२ परवाना असलेल्या दारूच्या दुकानांपैकी ३ हजार ५४३ दारूची दुकाने सोमवारपासून उघडण्यात आली. राज्यातील ३६ जिल्ह्यांपैकी चंद्रपूर, वर्धा आणि गडचिरोली हे जिल्हे वगळता उर्वरित ३३ जिल्ह्यात दारू विक्री करण्याची परवानगी राज्य उत्पादन शुल्क विभागाने दिली. मात्र कोरोनाचा प्रादुर्भाव असल्याने सोलापूर, सातारा, औरंगाबाद, जालना, बीड, नांदेड, परभणी, हिंगोली, नागपूर या जिल्ह्यातील अधिकाऱ्यांनी दारू विक्री करण्यास नकार दिला.
