Career in PHD Electronics and Telecommunication : पीएचडी इलेक्ट्रॉनिक्स एंड टेली कम्युनिकेशन मध्ये करिअर बनवा, पात्रता, अभ्यासक्रम, व्याप्ती ,पगार जाणून घ्या
शुक्रवार, 16 डिसेंबर 2022 (15:20 IST)
इलेक्ट्रॉनिक्स आणि टेलिकम्युनिकेशनमधील डॉक्टर ऑफ फिलॉसॉफी हा 2 ते 6 वर्षे कालावधीचा अभ्यासक्रम आहे. इलेक्ट्रॉनिक्स आणि टेलिकम्युनिकेशनमध्ये पीएचडी हा डॉक्टरेट स्तरावरील अभ्यासक्रम आहे जो दूरसंचार, उर्जा आणि इलेक्ट्रॉनिक्स यासारख्या महत्त्वाच्या क्षेत्रातील तंत्रज्ञानावर लक्ष केंद्रित करतो. हा कोर्स हार्डवेअर आणि सॉफ्टवेअर घटक एकत्रित करण्यासाठी उमेदवारांना आवश्यक असलेल्या कौशल्यांच्या विकासास प्रोत्साहन देतो.
पात्रता निकष -
* इच्छुक उमेदवाराकडे पीएचडी इलेक्ट्रॉनिक्स आणि टेलिकम्युनिकेशन संबंधित विषयात पदव्युत्तर पदवी किंवा एमफिल असणे आवश्यक आहे.
* पीएचडी इलेक्ट्रॉनिक्स आणि टेलिकम्युनिकेशनध्ये प्रवेश घेण्यासाठी उमेदवाराला पदव्युत्तर पदवीमध्ये किमान 60% गुण असणे आवश्यक आहे
* राखीव श्रेणीतील उमेदवारांसाठी 5% गुणांची अतिरिक्त सूट देण्यात आली आहे.
* यासोबतच, उमेदवाराला विद्यापीठाकडूनच किंवा UGC-NET सारख्या राष्ट्रीय परीक्षांद्वारे आयोजित केलेल्या प्रवेश परीक्षांमध्ये विद्यापीठाच्या दर्जापर्यंत गुण मिळवावे लागतात.
प्रवेश प्रक्रिया -
कोणत्याही टॉप युनिव्हर्सिटी मध्ये पीएचडी इलेक्ट्रॉनिक्स आणि टेलिकम्युनिकेशन अभ्यासक्रमात प्रवेश घेण्यासाठी उमेदवारांना प्रवेश परीक्षेला बसणे आवश्यक आहे.
प्रवेश परीक्षा उत्तीर्ण झाल्यानंतर, वैयक्तिक मुलाखत असते आणि जर उमेदवारांनी त्यात चांगले गुण मिळवल्यावरच त्यांना शिष्यवृत्ती देखील मिळू शकते.
अर्ज प्रक्रिया -
* उमेदवारने अधिकृत वेबसाइटला भेट द्यावी.
* अधिकृत वेबसाइटला भेट दिल्यानंतर,अर्ज भरा.
* अर्ज भरल्यानंतर, फॉर्ममध्ये काही चूक असल्यास योग्यरित्या तपासा, अन्यथा तो नाकारला जाऊ शकतो.
* मागितलेली सर्व कागदपत्रे अपलोड करा.
* अर्ज सबमिट करा.
* क्रेडिट कार्ड किंवा डेबिट कार्डद्वारे ऑनलाइन फॉर्मची फी भरा..
प्रवेश कसे मिळवायचे -
पीएचडी इलेक्ट्रॉनिक्स आणि टेलिकम्युनिकेशनमध्ये प्रवेश घेण्यासाठी सर्वोच्च विद्यापीठाचे लक्ष्य ठेवले असेल, तर त्यांच्यासाठी प्रवेश परीक्षा उत्तीर्ण होणे फार महत्वाचे आहे. विद्यार्थ्यांना प्रवेश परीक्षेसाठी नोंदणी करावी लागते आणि नोंदणी प्रक्रिया संपल्यानंतर प्रवेशपत्र जारी केले जातात. ज्यामध्ये प्रवेश परीक्षेशी संबंधित सर्व माहिती दिली जाते जसे की परीक्षा कधी आणि कुठे होणार आहे, इत्यादी.
पीएचडी इलेक्ट्रॉनिक्स आणि टेलिकम्युनिकेशन अभ्यासक्रमात प्रवेश प्रक्रियाUGC NET, JNUEE, CSIR UGC NET, GATE, DTU PhD इत्यादी सारख्या प्रवेश परीक्षेवर अवलंबून असते. पात्र उमेदवारांची पुढील मुलाखतीच्या आधारे निवड केली जाते.
प्रवेश परीक्षा संपल्यानंतर काही दिवसांनी त्याचा निकाल गुणवत्ता यादीच्या स्वरूपात जाहीर केला जातो. त्यानंतर विद्यार्थ्यांना त्यांच्या श्रेणीनुसार महाविद्यालये दिली जातात.
* मुलाखत आणि नावनोंदणी प्रवेश परीक्षा उत्तीर्ण झालेल्या विद्यार्थ्यांना विद्यापीठातर्फे मुलाखतीसाठी उपस्थित राहण्यास सांगितले जाते
विद्यार्थ्यांना एकतर ऑनलाइन (स्काईप, गुगल मीट, झूम) किंवा ऑफलाइन विद्यापीठाच्या कॅम्पसमध्ये बोलावले जाते.
या दरम्यान, इतर सर्व पात्रता निकष तपासले जातात आणि जर विद्यार्थ्यांनी मुलाखतीत चांगली कामगिरी केली तर त्यांना पीएचडी इलेक्ट्रॉनिक्स आणि टेलिकम्युनिकेशन चा अभ्यास करण्यासाठी प्रवेश दिला जातो.
