स्वरा भास्करने 16 फेब्रुवारी रोजी सपा नेते फहाद अहमदसोबत लग्न केले. त्यांनी कोर्ट मॅरेज केले होते. यानंतर मार्चमध्ये तिने फहादसोबत लग्न केले. आता लग्नाच्या काही महिन्यांनंतर अभिनेत्रीने तिच्या गरोदरपणाची बातमी शेअर केली आहे. फोटो शेअर करताना स्वराने लिहिले की, 'कधीकधी देव तुमच्या सर्व प्रार्थनांना एकत्र उत्तर देतो. नवीन जगात प्रवेश करण्यासाठी धन्य, कृतज्ञ आणि उत्साही. यासोबतच स्वराने असेही सांगितले की, तिच्या बाळाचा जन्म ऑक्टोबरमध्ये होणार आहे.
फहाद अहमद हा विद्यार्थी नेता आणि सामाजिक कार्यकर्ता आहे. त्यांनी टाटा इन्स्टिट्यूट ऑफ सोशल सायन्सेस स्टुडंट युनियनचे सरचिटणीस म्हणून काम केले आहे. फहादने जुलै 2022 मध्ये अबू असीम आझमी आणि रईस शेख यांच्या उपस्थितीत समाजवादी पक्षाचे सदस्यत्व घेतले. फहाद हे महाराष्ट्र आणि मुंबई युनिटमध्ये युवाजन सभेचे अध्यक्ष म्हणून नियुक्त आहेत.
