नवविवाहित वधू सोनाक्षी सिन्हा आणि तिचा पती झहीर इक्बाल शुक्रवारी मुंबईतील कोकिलाबेन रुग्णालयाबाहेर दिसले. लग्नानंतर अवघ्या पाच दिवसांनी या जोडप्याला हॉस्पिटलबाहेर पाहून चाहत्यांनी विविध अंदाज बांधायला सुरुवात केली. मात्र, अभिनेता शत्रुघ्न सिन्हा या हॉस्पिटलमध्ये दाखल असल्याचं मीडिया रिपोर्ट्समध्ये म्हटलं जात आहे, त्यामुळे झहीर आणि सोनाक्षी त्यांच्या प्रकृतीची विचारपूस करण्यासाठी तिथे पोहोचले. वृत्तानुसार, शत्रुघ्न सिन्हा यांना वयाशी संबंधित नियमित तपासणीसाठी रुग्णालयात दाखल करण्यात आले आहे.
सोनाक्षी सिन्हा आणि झहीर इक्बाल यांनी 23 जून रोजी लग्नाची नोंदणी केली. सुमारे सात वर्षे डेटिंग केल्यानंतर दोघांनी वैवाहिक जीवनात प्रवेश केला आहे. दोघांचे कुटुंबीय आणि जवळच्या मित्रांच्या उपस्थितीत हे लग्न पार पडले आणि त्यानंतर संध्याकाळी रिसेप्शन पार्टी झाली. मुलीला सासरी पाठवून अवघ्या पाच दिवसांनी शत्रुघ्न सिन्हा रुग्णालयात दाखल करण्यात आले.
