बॉलिवूडमधील प्रसिद्ध नृत्यदिग्दर्शिका सरोज खान यांना श्वासोच्छवासाच्या अडचणीमुळे मुंबईच्या वांद्रे येथील गुरु नानक रुग्णालयात दाखल करण्यात आले आहे. तीन दिवसांपूर्वी सरोज खान यांना श्वास घेण्यास त्रास जाणवत होता, त्यामुळे त्यांना रुग्णालयात दाखल करण्यात आले आहे. राज्यात कोरोनाचा वाढता प्रादुर्भाव लक्षात घेता त्यांची कोरोना टेस्ट करण्यात आली आहे. मात्र ती निगेटिव्ह आल्याची माहिती देखील मिळत आहे.
