प्रभूदेवा हे साऊथ इंडस्ट्रीतील प्रसिद्ध कलाकार आहेत. तो अभिनेता असण्यासोबतच कोरिओग्राफरही आहे. प्रभुदेवाने बॉलीवूड अभिनेता हृतिक रोशनसोबत लक्ष्य चित्रपटातील मैं ऐसा क्यों हूं हे गाणे कोरिओग्राफ केले आहे. यासाठी प्रभू देवाला राष्ट्रीय चित्रपट पुरस्काराने सन्मानित करण्यात आले. आता अलीकडेच प्रभूदेवा एका गोंडस मुलीचे बाबा झाले. त्यांनी हा खुलासा केला आहे.
प्रभू यांनी 2020 मध्ये हिमानीशी दुसरे लग्न केले. लग्नानंतर दोन वर्षांनी कोरिओग्राफरच्या घरात चौथ्यांदा बाळाच्या रडण्याचा आवाज घुमला. अलीकडेच, प्रभू यांनी एका मुलाखतीत ही बातमी उघड केली आणि आनंद व्यक्त करताना म्हटले, “होय सर. हे खरं आहे. या वयात मी पुन्हा बाप झालो आहे. मला खूप आनंद आणि समाधान वाटत आहे."
मुलीच्या जन्माचा आनंद व्यक्त करताना प्रभू म्हणाले, 'मी माझे काम आधीच कमी केले आहे. मला वाटलं मी खूप काम करतोय, धावतोय. आता मी खूप काही केले आहे. मला आता माझ्या कुटुंबासोबत वेळ घालवायचा आहे.
2020 मध्ये प्रभूने गुपचूप लग्न केले होते. त्यांची दुसरी पत्नी व्यवसायाने डॉक्टर आहे. याआधी कोरिओग्राफरने 1995 मध्ये रामलतसोबत लग्न केले होते. मुस्लीम धर्मातील असलेल्या रामलातने प्रभूसोबत लग्न करण्यासाठी हिंदू धर्म स्वीकारला. मात्र, लग्नाच्या 16 वर्षानंतर दोघांचा घटस्फोट झाला.
