Kangana Ranaut: अभिनेत्री कंगना रणौतने सोमवारी सांगितले की, तिच्या वेळापत्रकातील बदलांमुळे इमर्जन्सी चित्रपटाचे प्रदर्शन पुढील वर्षी पुढे ढकलण्यात आले आहे. हा चित्रपट सुरुवातीला 24 नोव्हेंबरला थिएटरमध्ये रिलीज होणार होता. कंगनाने या चित्रपटाचे लेखन आणि दिग्दर्शन केले आहे. कंगनाने ही माहिती तिच्या अधिकृत X अकाउंटवर शेअर केली आहे.
ते म्हणाले, आम्ही 24 नोव्हेंबर 2023 रोजी इमर्जन्सी रिलीज करण्याची घोषणा केली होती, परंतु माझे एकापाठोपाठ एक चित्रपट प्रदर्शित होत असल्याने आम्ही पुढील वर्षी (2024 मध्ये) चित्रपट प्रदर्शित करण्याचा निर्णय घेतला आहे. नवीन रिलीजची तारीख लवकरच जाहीर केली जाईल, असे त्यांनी आपल्या पोस्टमध्ये म्हटले आहे.
इमर्जन्सी चित्रपट हा भारताच्या राजकीय इतिहासातील एका महत्त्वाच्या कालखंडावर आधारित चित्रपट आहे, ज्यामध्ये कंगना माजी पंतप्रधान इंदिरा गांधी यांची भूमिका साकारत आहे. अनुपम खेर, महिमा चौधरी, मिलिंद सोमण, श्रेयस तळपदे, विशाक नायर आणि दिवंगत सतीश कौशिक या चित्रपटात महत्त्वाच्या भूमिकेत दिसणार आहेत. पिंक या चित्रपटासाठी प्रसिद्ध असलेल्या रितेश शाहने इमर्जन्सीची पटकथा आणि संवाद लिहिले आहेत.
