मराठी अभिनेता सचिन चांदवडेने गळफास घेत संपवले आपले आयुष्य

मराठी अभिनेता सचिन चांदवडेने राहत्या घरात गळफास घेऊन आत्महत्या केल्याची धक्कादायक घटना 23 ऑक्टोबर रोजी घडली आहे. अभिनेता जळगाव जिल्ह्यातील पारोळा तालुक्यातील उंदीरखेडेच रहिवासी होता. 

सचिन ने राहत्या घरात वरच्या मजल्यावर असलेल्या खोलीत पंख्याला गळफास घेऊन आयुष्य संपवण्याचा प्रयत्न केला. त्याला तातडीने रुग्णालयात नेण्यात आले. त्याची प्रकृती नाजूक झल्याने त्याला तातडीनं धुळ्यातील रुग्णालयात रेफर  करण्यात आले. मात्र त्याने 24 ऑक्टोबर रोजी अखेरचा श्वास घेतला.त्याने आत्महत्या का केली अद्याप कळू शकले नाही. त्यांच्या मृत्यूने संपूर्ण मराठी कलाविश्वात शोककळा पसरली आहे. 

सचिन हा अभियंता असून पुण्यातील आयटीपार्क मध्ये नौकरीला होता. त्याला अभिनयाची आवड बालपणापासून असल्याने त्याने सिनेसृष्टीत पदार्पण केले. 

सचिन अभिनित चित्रपट असुरवन  लवकरच प्रदर्शित होणार होता. या व्यतिरिक्त त्याने जमतारा 2 या सिरीजमध्ये देखील काम केलं आहे. पोलीस   प्रकरणाचा अधिक तपास करत आहे. 

Edited By - Priya Dixit