अमिताभ बच्चन आणि जया बच्चन यांची नात नव्या नवेली नंदा ही बॉलिवूडच्या आवडत्या स्टारकिड्सपैकी एक आहे. नव्या सध्या तिच्या 'व्हाय द हेल नव्या' या पॉडकास्टमुळे चर्चेत आहे. या शोमध्ये नव्याला तिची आजी जया बच्चन यांनी रिलेशनशिपबाबत सल्ला दिला आहे. नव्या नवेली जर लग्न न करता आई झाली तर तिला कोणतीही अडचण येणार नाही, असे जया बच्चन म्हणाल्या.
जया बच्चन म्हणाल्या, नातं दीर्घकाळ टिकण्यासाठी शारीरिक आकर्षण खूप महत्त्वाचं असतं. आमच्या काळात आम्ही प्रयोग करू शकलो नाही, पण आजची पिढी करते आणि का करु नये ? कारण दीर्घकाळ टिकणाऱ्या नात्यालाही ते गरजेचं असतं.
